און זיי נוצען אלץ ראי'ה אן "אגודיסטישע"רב פון וויען-טאראנטא, הרב שמעון פירסט ז"ל. כ'ווייס נישט ווער דער גרינבוים איז. חפשתי ולא מצאתי דער ספר "עיר הגולה"פון הרב פירסט, אזוי ארום אז ס'איז שווער צו וויסען צו ער זאגט טאקע אזוי אין זיין ספר, צו איז דאס סתם א בלבול. ס'איז שווער צו גלייבען אז ער שרייבט אזוי, ווייל אינעם זעלבן מחבר'ס ספרים האט ער הסכמות פון הגאון ר'משה פיינשטיין זצ"ל, דער נשיא פון אגודת הרבנים... קומט אויס אזוי: דער סאטמאר רב האט כידוע באשולדיגט די ציונים אין וועלן אז מ'זאל אויסהרגענען אייראפעישען אידנטום "כי רק בדם יהי'לנו הארץ,"דאס ווייסט יעדער בחור אין סאטמאר. עד היום האט מען אבער געמיינט אז די אגודה, ובראשם דער סאטמאר רב'ס ידיד נאמן הרב אהרן קטלר, האט יא געטוהן וואס נאר זיי האבען געקענט. געראטעוועט ישיבה בחורים, רבנים, און ראשי ישיבה. היינט אבער זעהט מען אז דאס וואס דער רבי ז"ל האט געזאגט אז "ציוניסטן, מזרחיסטן, אגודיסטן ימש"ו"איז נישט סתם א הלצה בעלמא, נאר די אגודה איז געווען בדעה אחת מיט די ציונים און האט אויך נישט געוואלט ראטעווען אידן! זיי האבען נאר געוואלט געלט און כבוד, און ווען נישט דער בחור'ל וואס בלאנדזשעט אריין אינעם ביורא פון אגוה"ר וואלט מען די הונדערט טויזנט טאלער נישט צונויפגעקליבען און מ'וואלט די מענטשען נישט געראטעוועט. זעהט די פערטער שטיקל, "די אגודה האט אויך פארשוויגן"ותמצא נחת. אוי לנו אז אזוי איז מען מחנך אינגע אידישע קינדער, און אוי להם לאחיי ורעיי חסידי ותלמידי סאטמאר אז ביי די אלטע לייט ווערט מקויים דער מאמר חז"ל זקני ע"ה כל זמן שמזקינין דעתן מטורפת עליהן.
↧